Ярмаркаи минтақавии савдои «Суғд – 2014»
Хуҷанд, 06.06.2014. (АМИТ «Ховар», Абдуаҳад Шарифзода). – Дар арафаи ҷашни Рӯзи Ваҳдати миллӣ 25 ва 26 июн дар маркази вилояти Суғд шаҳри Хуҷанд Ярмаркаи минтақавии савдои «Суғд – 2014» баргузор мегардад.
Дар ҳошияи ярмарка доир намудани форуми сеюми минтақавии инвеститсионию тиҷоратӣ дар мавзӯи «Иқтидорҳои содирот ва рушди тиҷорати байналмилалӣ» ҳамчунин озмуни вилоятии «Маҳсулоти беҳтарин», «Тамғаи миллӣ» ва «Иди зардолу» дар назар аст.