Ғалабаи Ҷаҳон Қурбонов дар «China open»

Душанбе, 22.07.2014.(АМИТ «Ховар», Мавҷуда Анварӣ).- Аз 11 то 21-уми июли соли равон дар шаҳри Гуйяни Ҷумҳурии мардумии Чин мусобиқаи байналмилалӣ оид ба бокс баргузор гардид.Дар ин мусобиқа 2 нафар варзишгар аз вилояти Суғд — Ҷаҳон Қурбонов ва Наврӯз Ҷафоев таҳти роҳбарии Мураббии Шоистаи ҶТ, Баҳром Усмонов ширкат варзиданд.Тавре ки Баҳром Усмонов аз Ҷумҳурии мардумии Чин хабар дод, Ҷаҳон Қурбонов ба бозии ниҳоӣ роҳхат гирифта, сазовори ҷои дуввум гардид.Хотиррасон мекунем, ки дар ин мусобиқа варзишгарони 17 давлат, аз ҷумла Тоҷикистон, Ӯзбекистон, Қазоқистон, Русия, Кореяи Ҷанубӣ, Чин, Малайзия ва ғайра ширкат варзиданд.