Қаҳҳор Маҳкамов бо ифтихорнома сарфароз гардид

Душанбе, 18.07.2014.(АМИТ “Ховар”, Марзия Саидзода).-Нахустин Президенти Ҷумҳурии Тоҷикистон Қаҳҳор Маҳкамов, ки узви якумраи Маҷлиси миллист бо ифтихорномаи Ассамблеяи байнипарлумонии Иттиҳоди Давлатҳои Мустақил /ИДМ/ сарфароз гардонида шуд. Ифтихорномаро ба Қаҳҳор Маҳкамов дар фарҷоми иҷлосияи ҳаждаҳуми палатаи болоии Парлумони кишвар Маҳмадсаид Убайдуллоев -раиси Маҷлиси миллӣ дар маросими ботантана супорид. Ҳамзамон Маҳмадсаид Убайдулоев ба дигар аъзои Маҷлиси миллӣ -Давлатшоҳ Гулмаҳмадзода, Заррина Раҷабова, Сатториён Матлубахон ва Абдулҳафиз Азизов ҷиҳати саҳми арзандаашон дар таҳкими робитаҳои байнипарлумонӣ ифтихорномаҳои Ассамблеяи байнипарлумонии ИДМ -ро тақдим кард.