Қабули довталабон дар Восеъ

Восеъ, 21.07.2014. (АМИТ «Ховар», Сулаймон Холов).- Дар н.Восеъ қабули довталабон аз ҷониби Литсейи касбии техникӣ барои солҳои 2014-2015 оғоз гардида, довталабонро ба касбҳои гуногун ҷалб менамояд.Бино ба иттилои иҷрокунандаи вазифаи Директор Шариф Давлатов тибқи нақша ба Литсей 190 нафар довталаб аз рӯи имтиҳонҳои фанҳои гуногун қабул карда мешаванд, ки аз ин шумора 50 нафарашон духтарон мебошад.Ба гуфтаи манбаъ дар литсей касбҳои тракторист-мошинистӣ, истеҳсоли кишоварзӣ, кафшергари газию барқӣ, ронандаи автомашинаи дараҷаи силсилаи «С», дӯзандагӣ, ресандагӣ , занбӯри асалпарварӣ, системаи компютерӣ ва дигар касбҳо муҳлати аз як то се сол омӯзонида мешаванд.Айни ҳол довталабон аз ноҳияҳои Мӯъминобод, Шӯрообод, Ховалинг, Балҷувон, Ҳамадонӣ, Фархор ташриф оварда, ҳуҷҷатгузорӣ намуданд.Инчунин довталабон дар ҳолати гузаштан аз имтиҳон бо се вақт хӯрок ва ҷойи хоб таъмин карда мешаванд.Лозим ба ёдоварист, ки имсол 240 нафар литсейи касбӣ техникиро хатм намуда, соҳиби димпломи тахассусӣ гардиданд.