Қатли 1 нафар корманди Ҳукумати ҷумҳурии Афғонистон
Душанбе, 15.07.2014 (АМИТ «Ховар»).-Дирӯз дар шаҳри Кобули Ҷумҳурии Исломии Афғонистон боз як таркиши фоҷеабор ба амал омад. Дар ҷои ҳодиса 1-нафар корманди Ҳукумати ҷумҳурӣ ба ҳалокат расида, 2-тани дигар ҷароҳатҳои гуногун бардошта, бистарии беморхона гардиданд. Гуфта мешавад, ки таҷҳизоти тарканда тариқи дастгоҳи фосилавӣ ба кор дароварда шудааст.
Ҳукми суди олии Ҳиндустон
Душанбе, 15.07.2014 (АМИТ «Ховар»).-Мувофиқи иттилои шабакаи интернетии Би-Би-Си Додгоҳи олии Ҳиндустон ҳукмро нисбат ба 2 нафар, ки бо ҷурми даст доштан дар таҷовуз ба номуси духтари 23-солаи донишҷӯ ба қатл маҳкум шуда буданд, бекор кард. Гуфта мешавад, ки бо далелҳои нав вобаста ба ин парвандаи ҷиноӣ айбдоршавандагон сафед карда шуданд.
Офати табии дар Русия
Душанбе, 15.07.2014 (АМИТ «Ховар»).-Бегоҳии дирӯз дар минтақаи Сибири Федератсияи Русия ҳаво якбора тағйир ёфта, тўфон ба амал омад.Тўфонро раъду барқ ва боришоти жола ҳамроҳӣ дошт.Тӯфон муддати 15 дақиқа идома дошта, боиси ба ҳалокат расидани 2 нафар гардид. Аз офати табиӣ бештар маҳаллаи Ник Дудник зарар дид.Ҳангоми сар задани тўфон соҳили дарё ва ҷойҳои истироҳатӣ-фароғатӣ низ осеб диданд.
Фурӯ рафтани нақб дар Чин
Душанбе, 15.07.2014 (АМИТ «Ховар»).-Мувофиқи иттилои шабакаи интернетии Би-Би-Си субҳи имрӯз дар минтақаи Юннани Ҷумҳурии Мардумии Чин нақби роҳи оҳан фурў рафт.Бар асари ҳодиса 14-нафар коргарони нақбканон зери нақб дармонданд.Мувофиқи иттилои расида, кормандони роҳи оҳан дар ин мавзеъ ба таъмири роҳ машғул буданд.Ҳукуматдорони кишвар бо мақсади аз зери нақб берун овардани коргарон тамоми чораҳои заруриро меадешанд.
Тарҷумаи Иброҳими Ҳабибуллоҳ