Қурби долл. ИМА дар давоми ҳафта каме паст шуд

Душанбе, 7.07.2014. (АМИТ «Ховар», Лайло Тоирӣ).- Дар давоми ҳафтаи гузашта қурби доллари ИМА дар нуқтаҳои мубодилаи асъорӣ ҷумҳурӣ андаке паст шуда, ба ҳисоби миёна то ба 5,0190-5,0390 сомонӣ фаромад. Бино ба иттилои хадамоти матбуоти Бонки миллии Тоҷикистон, курби миёнаи амалиётҳо бо рубли русӣ бетағйир боқӣ монда, ба 0,1455-0,1465 сомонӣ барои як рубли русӣ, қурби амалиётҳо бо евро каме баланд шуда ба 6,8288-6,8690 сомонӣ барои як евро баробар шуд. 3 июл қурби миёнаи доллари ИМА дар нуқтаҳои мубодилаи асъори шаҳрҳои Душанбе ба 5,0105-5,0340 сомонӣ, Хуҷанд ба 5,0100-5,0150 сомонӣ ва Қурғонтеппа ба 5,0100-5,0300 сомонӣ баробар аст.