Ҳалокати 2 нафар дар садамаи нақлиётӣ дар Дарвоз

Душанбе, 2.07.2014. (АМИТ «Ховар», Лайло Тоирӣ).- 30 июни соли ҷорӣ ронандаи автомашинаи тамғаи “Toyota Land Cruiser” Раҳимдод Ҷонмаҳмадов, соли таваллудаш 1972, сокини шаҳри Душанбе, ҳангоми ҳаракат аз тарафи шаҳри Хоруғ ба тарафи шаҳри Душанбе дар роҳи мошингарди Душанбе-Кӯлоб-Қалъаи Хумб-Хоруғ, дар ҷамоати деҳоти Нулванди ноҳияи Дарвоз аз уҳдаи идораи воситаи нақлиёт набаромада, ба тарафи рост чаппа шудааст.Дар натиҷа мусофирон Сиҷоҳиддин Низомиддинов, соли таваллудаш 1962, сокини шаҳри Хоруғ ва Аслибегим Саломатшоева, соли таваллудаш 1965, сокини шаҳри Душанбе ҷароҳати вазнини ҷисмонӣ бардошта, дар ҷойи ҳодиса ба ҳалокат расидаанд.Мусофирони дигар Азиза Мунаҷимшоева, соли таваллудаш 1978, сокини шаҳри Хоруғ, Фарида Султонбердиева, соли таваллудаш 1993, сокинони ноҳияи Шуғнон, Ҷовид Кабутаршоев, соли таваллудаш 1995, сокини ноҳияи Роштқалъа ҷароҳати ҷисмонӣ бардошта, дар беморхона бистарӣ шудаанд.