Ҳамдардии А.Қодирӣ ба оилаи варзишгарони ҳалокшуда
Душанбе, 01.07.2014. (АМИТ «Ховар», Лайло Тоирӣ).- Дар натиҷаи садамаи нохуши нақлиётӣ, ки чанде қабл дар дараи Варзоб рух дод, 4 нафар варзишгарон, сокинони шаҳри Истаравшан, ба ҳалокат расиданд. Бино ба иттилои хадамоти матбуоти раиси вилояти Суғд раиси вилояти Суғд Абдураҳмон Қодирӣ барои изҳори тасаллият ва ҳамдардӣ ба наздикони фавтидагон ба шаҳри Истаравшан ташриф овард.Садамаи нохуши нақлиётӣ бегоҳии санаи 23-уми июн дар дараи Варзоб, баъди гузаргоҳи Майхура рух дода буд. Бояд гуфт, ки нақлиёти ба садама дучоршуда тамғаи «Opel Astra G» зери идораи мураббии мактаби варзишии кӯдакону наврасони захираҳои олимпии шаҳри Истаравшан Эҳромхон Исоеви 44- сола қарор дошт. Ҳодисаи мазкур ҳангоме ба вуҷуд омад, ки Эҳромхон Исоев бо ҳамроҳии 5 нафар аз шогирдонаш бо мақсади ширкат дар мусобиқаи ҷумҳуриявии наврасони солҳои таваллудашон 1999-2002 аз шаҳри Истаравшан ба шаҳри Душанбе сафар мекард.Дар натиҷаи садамаи мазкур 4 нафар ба ҳалокат расида, тақдири як нафари дигар ҳанӯз номаълум аст. Танҳо як нафар, писари ронанда — Ҳусейн Исоеви 13 сола ҳангоми сарозер шудани мошин ҷон ба саломат бурдааст. Айни ҳол табибон вазъи Ҳусейн Исоевро хуб арзёбӣ менамоянд.Абдураҳмон Қодирӣ зимни ибрози тасаллият аз садамаи фоҷеабор изҳори таассуф намуда, ба аҳли оилаи ҳалокшудагон ва пайвандони эшон сабри ҷамил хост.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






