“Ҳаёти наврасон бе маводи нашъаовар ширин аст!”

Душанбе, 30.07.2014. (АМИТ «Ховар», Мавҷуда Анварӣ). — Кормандони раёсати Агентии назорати маводи нашъаовари назди Президенти ҶТ дар ВМКБ дар доираи чорабиниҳо оид ба пешгирии нашъамандӣ ва зарари паҳн намудани маводи нашъаовар дар лагери тобистонаи “Шабдез”, воқеъ дар ноҳияи Роштқалъа бо кӯдакон ва наврасон вохӯрии зиддимухаддиротиро зери шиори “Ҳаёт бе маводи нашъаовар ширин аст!” ташкил намуданд.Кормандони Агентӣ ба наврасон оид ба натиҷаҳои фоҷиаовари истеъмоли маводи нашъаовар ва зарари он ба организми наврасон нақл намуданд. Мақсади асосии чунин чорабиниҳо аз таблиғ намудани тарзи ҳаёти солим, яъне бе маводи нашъаовар, новобаста аз синну сол ва ҳолати рӯҳӣ иборат мебошад. Дар ин бора ба хабарнигори АМИТ «Ховар» аз Агентии назорати маводи нашъаовари назди Президенти ҶТ хабар доданд.