Ҳисоботи бардуруғӣ 427 роҳбар ба омор

Душанбе, 25.07.2014. (АМИТ «Ховар», Суғдмеҳри Маъруфзод). -Дар нимсолаи аввали соли ҷорӣ аз ҷониби масъулони Агентии омори назди Ҳукумати Ҷумҳурии Тоҷикистон, 427 роҳбарони корхонаву муасисаҳои кишвар бо мақсади додани ҳисоботи бардуруғ ё изофанависӣ ҷаримабандӣ карда шудаанд. Ин нуқта маҳз аз ҷониби роҳбарияти ин ниҳод дар нишасти хабарӣ, ки имрӯз 24-уми июли соли равон баргузор гардид, қайд карда шуд. Ҳамзамон гуфта шуд, ки ошкор намудани ин қонунвайронкунӣ дар ҳолате ба вукӯъ омад, ки аз ҷониби Агентӣ 7 гурӯҳ, шомил аз 10-15 нафарӣ барои гузаронидани санҷиш сафарбар гардиданд. Аз рӯи санҷиш муайян шуд, ки идораҳои роҳбарияташон ҷаримабандӣ кардашуда, ба худтаърифкунӣ, изофанависӣ ва ё ба надодани маълумоти оморӣ роҳ дода буданд. Маблағи ҷаримабандӣ карда шуда дар давраи ҳисоботӣ 115,5 ҳазор сомониро ташкил намудааст.