Ҳуқуқҳои наваскарон ҳимоя мешаванд!

Душанбе, 31.07.2014 (АМИТ «Ховар», Манижа Баҳромзода).– Шурӯъ аз моҳи сентябри соли 2014 дар қисмҳои ҳарбӣ ва комиссариатҳои ҳарбии кишвар аввалин маротиба аз ҷониби мақомоти Ваколатдор оид ба ҳуқуқи инсон мониторинг гузаронида мешавад, гуфт Ҳусниддин Нидоев-муовини сардори шӯъбаи ҳифзи давлатии ҳуқуқҳои сиёсӣ ва шаҳрвандии ин ниҳод. Ба иттилои манбаъ ин иқдом дар ҳамбастагӣ бо Вазорати мудофиаи Ҷумҳурии Тоҷикистон пешбинӣ шуда, дар назар аст ҳар сол дар айёми даъвати ҷавонон ба хизмати ҳарбӣ гузаронида шавад. Ҳадаф аз гузаронидани ин мониторингро Ҳусниддин Нидоев дар пурсиши хизматчиёни ҳарбӣ роҷеъ ба даъвати онҳо ба хизмати ҳарбӣ ном бурда,зикр намуд,ки тавассути ин мониторинг асосан ҳуқуқи наваскарон дар хизмати ҳарбӣ ҳифз карда мешавад. Номбурда гуфт ки феълан аз ҷониби мақомоти Ваколатдор оид ба ҳуқуқи инсон 3 адад муроҷиатнома роҷеъ ба поймолшавии ҳуқуқи аскарон ба қайд гирифта шудааст,ки аз ин теъдод 1 адад тасдиқи худро ёфтааст.