Ҷаласаи Ҳайати мушовараи ВКХ

Июль 15, 2014 11:08

Душанбе, 15.07.2014 (АМИТ «Ховар»).- Ҷаласаи ҳайати Мушовараи Вазорати корҳои хориҷии Ҷумҳурии Тоҷикистон таҳти раёсати Раиси Ҳайати Мушовара, Вазири корҳои хориҷӣ Сироҷидин Аслов 14 июл барпо гардид.Вазири корҳои хориҷии Ҷумҳурии Тоҷикистон ҷаласаи мазкурро ифтитоҳ намуда, ба рӯзномаи Ҳайати Мушовара ду масъала – фаъолияти Вазорати корҳои хориҷии Ҷумҳурии Тоҷикистон дар нимсолаи аввали соли 2014 ва фаъолияти намояндагиҳои дипломатии Ҷумҳурии Тоҷикистон дар хориҷа оид ба ҷалби сармоягузориҳои хориҷӣ ба иқтисодиёти кишварро пешниҳод намуд.Муовини вазири корҳои хориҷӣ Низомиддин Зоҳидӣ оид ба масъалаи якум – фаъолияти Вазорати корҳои хориҷии Ҷумҳурии Тоҷикистон дар нимсолаи аввали соли 2014 суханронӣ намуд.Роҷеъ ба масъалаи дуюм – фаъолияти намояндагиҳои дипломатии Ҷумҳурии Тоҷикистон дар хориҷа оид ба ҷалби сармоягузории хориҷӣ ба иқтисодиёти кишвар Сардори Шуъбаи ҳамкории иқтисодии хориҷӣ Маҳмадалӣ Раҷабов баромад намуда, маълумоти муфассал доир ба мавзӯъ манзур кард.Вазири корҳои хориҷӣ С.Аслов фаъолияти сохторҳои Вазоратро дар нимсолаи аввали соли ҷорӣ мавриди таҳлили ҳамаҷониба қарор дода, зарурати омодагии шоистаро ба чорабиниҳое, ки зимни раисии Тоҷикистон дар Созмони ҳамкории Шанхай ба нақша гирифта шудаанд, таъкид намуд ва ҷиҳати дар сатҳи баланд баргузор намудани онҳо супоришҳои мушаххас дод.Дар ҷамъбасти кори Ҳайати Мушовара қарорҳои дахлдор вобаста ба масъалаҳои муҳокимашуда қабул гардиданд.

Июль 15, 2014 11:08

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд