Ҷалби ҷавондухтарон ба омӯзиши ҳунарҳои миллӣ

Душанбе, 25.07.2014. (АМИТ «Ховар», Ситораи Боймурод).- Раёсати ҷавонон, варзиш ва сайёҳии вилояти Суғд ва бахшҳои ҷавонон, варзиш ва сайёҳии шаҳру ноҳияҳои вилоят оид ба рушди ҳунарҳои дастии адрас ва атласбофӣ рўйхати ҷавондухтарони хоҳишманд ва камбизоатро барои таҳсил дар Маркази таълимии «Шероз»-и шаҳри Хуҷанд пешниҳод менамояд.Тавре ки дар ин бора аз Раёсати ҷавонон, варзиш ва сайёҳии вилоят хабар доданд, феълан бобати рушди ҳунарҳои дастии қолинбофӣ ва сўзанидўзӣ дар Маркази таълимии «Шероз»-и шаҳри Хуҷанд зиёда аз 89 нафар ҷавондухтарон аз шаҳру ноҳияҳои вилоят таҳсил доштанд, ки бобати вусъат бахшидани фаъолият дар ин самт ба шаҳру ноҳияи худ баргаштанд.