Ҷинояткорӣ дар Чин
Душанбе,30.07.2014 (АМИТ «Ховар», Иброҳими Ҳабибуллоҳ)- Шаби гухзашта дар ноҳияи мухтори Синтзян-Уйғури Ҷумҳурии мардумии Чин бар асари ҳамлаи ҷинояткорони номаълум даҳҳо нафар куштаву захмӣ шудааст. Ба иқрори кормандони мақомоти қудратии кишвар шумораи ҳалокшудагон 13-нафарро ташкил медиҳад. Гуфта мешавад, ки ҳодиса дар шаҳри сарҳадии Ёркант сар задааст.
Ғарқи киштӣ дар Инданезия
Душанбе,30.07.2014 (АМИТ «Ховар»).- Дирӯз дар рўди Капуаси музофоти марказии Калимантани Индонезия киштии мусофирбар ғарқ шуда, дар вақти ҳодиса 12 нафар ба ҳалокат расидааст. Кормандони наҷотдиҳӣ ва ҳолатҳои фавқулодаи кишвар 42 нафари дигарро наҷот додаанд. Гуфта мешавад, ки дар дохили киштӣ ҷамъулҷамъ 60 нафар қарор доштааст. Ба иқрори мутахассисон дар киштии мазкур чун ҳамеша муҳоҷирони ғайриқонунӣ қарор доштаанд.
Заминҷунбӣ дар Ҳинд
Душанбе,30.07.2014 (АМИТ «Ховар»)-Дирӯз дар минтақаҳои назди соҳилии Андаманск ва Никобарск воқеъ дар қисми шарқии халиҷи Банғолаи Уқёнуси Ҳинд заминҷунбии сахт ба вуқўъ омад. Мувофиқи маълумоти маркази зилзилашиносии Ҳиндустон қувваи ҷунбиши қишри замин ба 5,5 дараҷаи ҷадвали Рихтер баробар буд. То ҳол дар бораи талафоти ҷонӣ, оқибатҳои харобиовари заминҷунбӣ ва ҳаҷми хисороти он ягон маълумоти муфассал дода нашудааст.
Ҳолати фавқулодда дар Калифорния
Душанбе,30.07.2014 (АМИТ «Ховар»)-Дар наздикии яке аз муассисаҳои таҳсилоти олии штати Калифорнияи Иёлоти Муттаҳидаи Амрико қубурҳои обгузар хароб гардида, об аз лулаҳои шикаста ба минтақаҳои аҳолинишин ва майдони донишгоҳ маҷро гирифт. Гуфта мешавад, ки роҳҳои нақлиётгард, хатҳои интиқоли нерўи барқ ва дигар иншоот бар асари ҳодиса қисман хароб шуд. Кормандони Хадамоти наҷотдиҳӣ ва ҳолатҳои фавқулодда дар маҳалли ҳодиса фаъолият мебаранд.
Тахрибкорӣ дар Нигерия
Душанбе,30.07.2014 (АМИТ «Ховар»)-Ҳафтаи равон дар қисми шимолии Нигерия силоҳбадастони гурўҳи ифротгарои «Боко-Ҳарам» даст ба тахрибкории навбатӣ заданд. Гуфта мешавад, ки гурўҳи ифротгарои мазкур дар соли 2002-юм дар шимоли Нигерия таъсис ёфта, бо мақсади барпо намудани давлати исломӣ даст ба амалҳои зишт мезананд.
Задухурд дар Либия
Душанбе,30.07.2014 (АМИТ «Ховар»)-Дирӯз дар шаҳри Бенғозии қисми шарқии Либия миёни як гурўҳ силоҳбадастони номаълум ва неруҳои низомии давлатӣ задухўрди мусаллаҳона ба миён омад. Дар ҷои ҳодиса 30 кас ба ҳалокат расида, чанд тани дигар захми гуногун бардоштанд. Гуфта мешавад, ки дар байни қурбониён сарбозони неруҳои низомии кишвар низ ҳастанд.








Имрӯз дар Тоҷикистон ҳавои тағйиёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






