148 донишчӯи ДДХ соҳиби дипломи аъло гаштанд
Душанбе, 17.07.2014. (АМИТ «Ховар», Раъно Нусратуллозода).-Имрӯз дар Донишгоҳи давлатии Хуҷанд ба номи академик Бобоҷон Ғафуров ба 148 нафар хатмкунандагони магистратура ва бакалавр дипломҳои аъло супорида шуд.Тавре ки сардори Маркази иттилоот ва таҳлили Раёсати донишгоҳ Маъмури Юсуфзод иттилоъ дод, дар чорабинӣ муовини ректор оид ба таълим Абдулфаттоҳ Раҳимов, зикр намуд, ки Донишгоҳи давлатии Хуҷанд ба номи академик Б. Ғафуров яке аз бузургтарин муассисаҳои таълимии олии мамлакат буда, саҳми он дар тайёр кардани кадрҳои баландихтисос назаррас ва намоён аст. Дар ҷамъомад гуфта шуд, ки имрӯз дар донишгоҳ 17 факулта ва 76 кафедра, аз ҷумла факултаи таҳсилоти ғоибона дар ноҳияи Ҷаббор Расулов ва 7 кафедраи умумидонишгоҳӣ, марказҳои илмӣ — тадқиқотӣ, парки технологӣ, китобхонаи марказӣ ба роҳ монда шудааст. Дар донишгоҳ аз рӯи 83 ихтисос дар шуъбаи рӯзона ва аз он 29 ихтисос дар шуъбаи ғоибона дар асоси нақшаҳои таълимӣ таҳсил ба роҳ монда шудааст. Соли равон донишгоҳро 2 ҳазору 479 нафар донишҷӯ хатм намуданд, ки 103 нафари онҳо соҳиби дипломи аъло гардидаанд. Инчунин дар чорабинӣ барои тарбияи самаровар ба волидайни донишҷӯёни аълохон сипосномаҳои Раёсати донишгоҳ тақдим гардид.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






