2 медали хонандагони тоҷик дар Олимпиадаи Балкан
Душанбе, 2.07.2014. (АМИТ «Ховар», Зарангези Латиф).- 8-умин Олимпиадаи наврасони Балкан аз фанни информатика чанде қабл дар шаҳри Белгради Сербия баргузор гардид. Дар ин олимпиада аз 8 давлати дунё 38 нафар хонанда иштирок намуда, хонандагони литсей‑интернати муштараки тоҷикӣ‑туркии «Ҳоҷӣ Камол» сазовори 2 ҷойи ифтихорӣ гаштанд. Гуфта мешавад, ки олимпиадаи наврасони Балкан аз фанни информатика аз 2 даври корҳои амалӣ иборат буда, дар он панҷ нафар хонандаи тоҷик иштирок карда, Солеҳҷон Рӯзибоев ва Нодир Даминов бо гирифтани медали нуқра ба ватан баргаштанд. Дар ин бора аз дафтари матбуоти Вазорати мориф ва илми кишвар хабар доданд.