27,9% ҳаҷми содироти Тоҷикистон ба Швейтсария
Душанбе, 16.07.2014.(АМИТ «Ховар», Марзия Саидзода).- «Ҷумҳурии Тоҷикистон дар ин давра бо 85 кишвари ҷаҳон муомилоти тиҷоратӣ доштааст». Ин матлабро 16 июл дар ҷамъи хабарнигорони ватанию хориҷӣ Неъмат Раҳматов -муовини аввали сардори Хадамоти гумруки назди Ҳукумати Ҷумҳурии Тоҷикистон иброз дошт. Намояндаи масъули Хадамоти гумруки Тоҷикистон афзуд, ки гардиши тиҷорати хориҷии кишварамон дар шаш моҳи соли равон 2,9 миллиард доллари амрикоиро ташкил дод, ки нисбат ба ҳамин давраи соли сипаригардида 351, 2 миллион доллар зиёд гардида, 113%-ро ташкил медиҳад. Аз маблағи умумии гардиши тиҷорати хориҷӣ 2 миллиарду 371 миллион доллар ба воридот ва 518,2 миллион доллар ба содирот рост меояд. Назар ба омори пешниҳоднамудаи намояндаи масъули мақомти гумруки кишвар дар ин давра мутаносибан воридот 446,9 миллион доллар ё 23,2 % зиёд гардида, содирот 95,7 миллион доллар ё 14,6% коҳиш ёфтааст. Зикр шуд, ки Русия яке аз шарикони асосии тиҷорати хориҷии Тоҷикистон маҳсуб ёфта, наздик ба 30% ҳаҷми маҳсулоти воридотӣ ба Тоҷикистон ба ин кишвар кишвар рост меояд. Инчунин, ҳаҷми маҳсулоти воридотии кишварҳои дигари хориҷӣ, назири Қазоқистон 13%, Чин 14 %, Туркия 7 % ва Швейтсария 4 % -ро ташкил медиҳад. Ҳаҷми содирот аз Тоҷикистон ба кишварҳои Туркия, 19,2%, Қазоқистон 17,2 %, Русия 9,7 %, Эрон 10,6% Чин, 3,9 % ва Швейтсария 27,9 %-ро ташкил медиҳад. Таъкид шуд, ки дар ин давра таркиби молии воридот ва содирот чандон тағйир наёфтааст. Ҳамон молҳое, ки маъмулан иқтидори содиротии кишварро ташкил медиҳанд ба хориҷи кишвар содирот гардида ва молу маҳсулоте, ки аҳолии кишвари мо ба онҳо ниёзи бештар доранд, ворид карда шудаанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






