38 нафар аз озодӣ маҳрум шуд
Душанбе, 14.07.2014. (АМИТ «Ховар», Мавҷуда Анварӣ). — Дар нимсолаи аввали соли ҷорӣ 38 нафар аз озодӣ маҳрум шуд, гуфт Нусратулло Абдуллозода раиси Суди Олӣ имрӯз зимни нишасти матбуотӣ ба хабарнигорон. Нусратулло Абдуллозода аз фаъолияти ин ниҳод дар шашмоҳаи аввал натиҷагирӣ карда, илова намуд, ки дар ин муддат аз 30 парвандаи ҷиноятии баррасишуда, 27 парванда нисбат ба 45 нафар бо баровардани ҳукми айбдорӣ анҷом дода шудааст. Аз 45 маҳкумшудагон ба 38 нафар ҷазои маҳрум сохтан аз озодӣ, ба 5 каси дигар ҷазои ҷарима, нисбат ба 1 нафар ҷазои корҳои ислоҳӣ таъин гардида ва ба 1 тани дигар ҷазои шартан татбиқ шудааст.Раиси Суди Олӣ Нусратулло Абдуллозода гуфт, ки боиси таассуф аст, ки дар ҷомеаи мо зан-модар ба ҷиноят хусусан ба хариду фуруши одам даст мезанад. Дар нимсолаи аввал чор парвандаи марбут ба хариду фӯруши одамон нисбат ба шаш нафар баррасӣ шудааст. Ҳамаи ин парвадаҳо нисбат ба занон баррасӣ ва ҳукми додгоҳ содир шудааст. Дар ин муддат 10 парванда нисбат ба 17 нафар барои терроризм ва ифротгароӣ баррасӣ ва ҳукм содир шудааст. Вай гуфт, ки масъалаи нигаҳдории онҳо вобаста ба шахсият аст ва додгоҳ муқаррар мекунад, ки ин афрод дар кадом низом нигаҳдорӣ шаванд.Нусратулло Абдуллозода зикр намуд, ки дар нимаи аввали соли ҷорӣ арзу шикоятҳои шаҳрвандон ба ин ниҳод нисбат ба ҳамин давраи соли гузашта 19, 5 дар сад камтар шудааст.
Дар Донишгоҳи давлатии Бохтар бо вакилон вохӯрӣ баргузор гардид
Бо фаъолону сокинони Ҷамоати деҳоти Даҳанаи ноҳияи Ёвон вохӯрии судманд доир гардид
Доир ба истифодаи самараноки замин ва нақши он дар таъмини амнияти озуқаворӣ машғулияти такмили ихтисос оғоз ёфт
«ИЛМ-ФУРӮҒИ МАЪРИФАТ». Дар Донишгоҳи техникии Тоҷикистон ғолибони даври аввали озмун қадрдонӣ шуданд
«КОРВОНИ КИТОБ». Он имрӯз ба шаҳри Бохтар расид
Пагоҳ дар ноҳияи Восеъ мусобиқаи гӯштини миллӣ баргузор мегардад
Бар асари бориши зиёд ва фурӯравии замин роҳи мошингарди Восеъ-Ховалинг баста шуд
Завқӣ Завқизода аз Президенти Гурӯҳи Бонки Исломии Рушд дархост намуд, ки ба соҳаҳои афзалиятноки иқтисоди Тоҷикистон маблағгузориро афзоиш диҳад
Дар ноҳияи Варзоб вобаста ба ҷалби ҷавонон ба сафи Артиши миллӣ вохӯрӣ доир шуд
Панҷ нафар бар асари тӯфон дар ҷануби Чин ба ҳалокат расиданд
Имрӯз дар баъзе ноҳияҳои кӯҳии Тоҷикистон бориши борону барф дар назар аст
19 кӯдак дар натиҷаи хуруҷи эҳтимолии бемории сурхакон дар шимолу шарқи Нигерия ҳалок шуданд
