4 –умин форум-лагери ҷавонон дар Москва

Июль 23, 2014 14:12

Душанбе, 23.07.2014 (АМИТ «Ховар»).- Аз 27 то 31 июли соли 2014 дар доираи ҳамкориҳои ИДМ 4 –умин форум – лагери байналмилалии ҷавонон дар шаҳри Москваи Федератсияи Русия доир мегардад. Дар ҷараёни лагер 70 нафар ҷавони фаъоли 17 кишвар: Абхазия, Озарбойҷон, Армения, Белоруссия, Грузия, Казоқистон, Қирғизистон, Латвия, Литва, Молдова, Русия, Тоҷикистон, Туркманистон, Узбекистон, Украина, Эстония, Осетияи ҷанубӣ иштирок менамоянд.Тибқи иттилои Парвина Нуриддинова узви Раёсат — намояндагии Ташкилоти байналмилалии ҷамъиятии ҷавонон «Содружество» — и ИДМ дар Тоҷикистон бо пешниҳоди Ассотсиатсияи ташкилотҳои ҷомеаи шаҳрвандии «Ҷавонони раванди рушд» кишвари моро 4 нафар ҷавонони фаъол дар ин чорабинии бонуфуз намояндагӣ менамоянд.Ба гуфти мавсуф барномаи чорабинӣ дар доираи ҳамкории байналмилалии ҷавонон омода гардида, дар он муносибатҳои дустонаву судманд ва худтакмилдиҳии ҷавонони кишварҳои ширкаткунанда дар самти муносибатҳои сиёсиву фарҳангӣ миёни ҷавонони Иттиҳоди давлатҳои мустақил ва дигар давлатҳои Аврупо ба инобат гирифта шудааст. Дар ин миёна чорабиниҳои гуногуни маърифативу иттилоотӣ, фарҳангиву мубоҳисавӣ, ҳамчунин муаррифӣ ва намоишу пешниҳоди барномаҳои фарҳангии давлатҳои ширкаткунанда, аз ҷумла Тоҷикистон дар назар дошта шудааст. Иштирокчиён аз давлатҳо бо мусоидати Ташкилоти байналмилалии ҷамъиятии ҷавонон «Содружество»-и ИДМ рўзи 27 июли соли 2014 дар шаҳри Москваи Федератсияи Русия боҳам омада, идомаи кори лагерро дар маркази фарҳангиву омўзишӣ ва сайёҳии «Этномир»-и вилояти Калугаи Федератсияи Русия мегузаронанд. Маврид ба зикр аст, ки дар доираи тадбиқи густариши ҳамкориҳо миёни Тоҷикистону Русия махсусан робитаҳои дустона бо Ташкилоти байналмилалии ҷамъиятии ҷавонон «Содружество»-и ИДМ зиёда аз 300 нафар ҷавонони фаъоли Тоҷикистон дар чунин чорабиниҳо ширкат намудаанд.

Июль 23, 2014 14:12

Хабарҳои дигари ин бахш

Имрӯз дар Тоҷикистон ҳавои тағйиёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд