42 мусобиқаҳои варзишӣ миёни ҷавонону наврасон
Душанбе, 18.07.2014 (АМИТ “Ховар”, Фарзонаи Давлат).-Бо ташаббуси Раёсати ҷавонон, варзиш ва сайёҳии вилояти Хатлон дар моҳи июли соли равон 28 мулоқоту вохўриҳо ва 42 мусобиқаҳои варзишӣ баргузор карда шуд, ки дар чорабиниҳои мазкур 28 ҳазору 700 нафар наврасону ҷавонон фаро гирифта шуданд. Бино ба иттилои мудири бахши таҳлилу иттилоотии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Ҷалолиддин Нуров ҳамзамон ҷавонони хатлонӣ дар аксияҳои ҷамъоварии қоғазпораҳо фаъолона иштирок намуда, барои тозаву пироста намудани шаҳру ноҳияашон ҳиссаи арзандаи худро гузоштанд.Гуфта мешавад, ки дар вилоят то охири моҳ баргузории боз якчанд чорабиниҳои фарҳангию варзишӣ байни наврасону ҷавонон дар назар аст.