455 назорати техникӣ дар соҳаи саноат ва кӯҳкорӣ

Душанбе. 11.07.2014. (АМИТ «Ховар», Фарзонаи Нарзӣ).-Имрӯз фаъолияти Хадамотии назорати давлатии бехатарии корҳо дар саноат ва соҳаи кӯҳкории назди Ҳукумати ҶТ таҳти рохбарии Сиҷоуддин Саломзода ҷаласаи нимсолаи якуми соли 2014 баргузор гардид. Дар ҷаласа зикр гардид, ки дар Хадамот 1755 корхона ва 12654 иншоот ба қайд гирифта шудааст. Дар давраи ҳисоботӣ дар корхонаҳои бақайдгирифташуда аз тарафи 8 нозироти давлатӣ ва 3 нозиротҳои комплексии Вилояти Мухтори Кӯҳистони Бадахшон ва вилоятҳои Суғду Хатлон -34 назорати комплексӣ, 182-мақсаднок, 239-фаврӣ, ҷамъ-455 назорати техникӣ гузаронида шудааст. Ҳамчунин дар ҳисобот доир ба ваколатҳо бо тартиби муқараргардида ба корхонаву ташкилот ва иншоотҳои бақайдгирифташуда:-43 адад шаҳодатномаи харидани маводи тарканда; -19 адад шаҳодатномаи истифодаи анбори маводи тарканда;-4 адад рухсатнома барои гузаронидани корҳои таркишӣ;-47 –нақшаи рушди корҳои кӯҳӣ ва 1-санаи қитъаи кӯҳкорӣ дода шудааст. С. Саломзода дар чамъбаст афзуд, ки дар оянда низ кормандони Хадамот бо мақсади пурзӯр намудани назорати техникӣ тамоми саъю кӯшиши худро ба харҷ дода, талаботҳои санадҳои меъёрию ҳуқуқиро оиди бехатарии саноатӣ дар ҶТ таъмин менамоянд.