Аҳолӣ бо оби нӯшокӣ таъмин мегарданд
Душанбе, 17.07.2014.(АМИТ «Ховар», Раъно Нусратуллозода).-Дар асоси супоришҳои Президенти мамлакат, бо мақсади ҷалби сармоягузории хориҷӣ дар якҷоягӣ бо Барномаи рушди Созмони Милали Муттаҳид дар минтақаи Кӯлоб оид ба беҳтар намудани шароити таъмини оби нӯшокии аҳолии деҳаи «Қаҳрамон»-и ҷамоати деҳоти Қаҳрамон ва деҳаи «Туғул»-и ҷамоати деҳоти Чубеки ноҳияи Мир Сайид Алии Ҳамадонӣ Лоиҳаи сохтмони иншоотҳои обтаъминкунӣ омода гардида, дар муҳлатҳои кӯтоҳтарин корҳои сохтмонӣ аз ҳисоби маблағгузории Ҳукумати Ҷопон оғоз карда мешаванд.Инчунин дар соли 2015 сохтмони 4 адад чоҳи амудӣ дар деҳаҳои «Чубек», «Ҳаёти нав», «Меҳрвар»-и ҷамоати деҳоти «Чубек» ва «Зафаробод»-и ҷамоати деҳоти «Панҷоб»-и ноҳияи Мир Сайид Алии Ҳамадонӣ дар мувофиқа бо мақомоти иҷроияи ҳокимияти давлатии ноҳия барои таҳияи лоиҳа-харҷнома ба ҶСК «Тоҷиккоммунпроект» дархост намуда, шартнома ба имзо расидааст.