Афзалшо Шодиев директор шуд

Душанбе, 31.07.2014. (АМИТ «Ховар», Раъно Нусратуллозода).-Бо фармони вазири фарҳанги Ҷумҳурии Тоҷикистон ҳунарпешаи халқии Ҷумҳурии Тоҷикистон Шодиев Афзалшо Султонович директори муассисаи давлатии «Филармонияи давлатии Тоҷикистон ба номи Акашариф Ҷӯраев» таъин гардид.Шодиев Афзалшо Султонович 2 июни соли 1962 дар шаҳри Панҷакент таваллуд шудааст. Соли 1983 Институти давлатии санъати РСС Тоҷикистонро бо ихтисоси мусиқӣ ва суруд хатм кардааст.А. Шодиев солҳои 1983-1984 солист-вокалисти Театри давлатии академии опера ва балети ба номи С.Айнӣ, солҳои 1984-1985 муаллими суруди мактаби миёнаи №114-и ноҳияи Рӯдакӣ, аз соли 1985 то соли 2000 солист — вокалисти дараҷаҳои 1 ва олии ансамбли «Тарона ва рақс»-и муассисаи давлатии «Филармонияи давлатии Тоҷикистон ба номи А.Ҷӯраев», солҳои 2000-2013 роҳбари Ансамбли «Тарона ва рақс»-и Муассисаи давлатии «Филармонияи давлатии Тоҷикистон ба номи А.Ҷӯраев» ва аз моҳи июни соли 2013 то июли соли 2014 роҳбари бадеии муассисаи давлатии «Филармонияи давлатии Тоҷикистон ба номи А.Ҷӯраев» кор ва фаъолият намудааст. Афзалшо Шодиев бо мукофотҳои давлатӣ унвони фахрии Ҳунарпешаи шоистаи Тоҷикистон ва Ҳунарпешаи халқии Тоҷикистон сарфароз гардидааст.