Академияи ВАО кай ба фаъолият шурӯъ мекунад?

Душанбе, 11.07.2014.(АМИТ «Ховар», Марзия Саидзода).-«То охири соли равон дар Тоҷикистон фаъолияти Академияи васоити ахбори оммаи /ВАО/ Ҷумҳурии Тоҷикистон роҳандозӣ карда мешавад». Ин матлабро 11 июл дар ҷараёни нишасти матбуотӣ ба хабарнигорон Раҳмон Асадулло-раиси Кумитаи телевизион ва радиои назди Ҳукумати Ҷумҳурии Тоҷикистон иброз дошт.  Мавсуф зикр кард, ки алҳол тибқи қарори Ҳукумати ҷумҳурӣ дар бораи таъсиси Академияи ВАО дар ҳудуди бинои киностудияи «Тоҷикфилм» биноеро таъмиру таҷдид карда истодаем, ки то охири соли ҷорӣ дар он фаъолияти Академияи ВАО шуруъ мегардад. Ба қавли Раҳмон Асадулло ба фаъолият шуруъ намудани Академияи ВАО қадами ҷиддиест дар роҳи тарбия ва ба камол расонидани мутахассисони ҳирфаӣ дар бахши ВАО-и кишвар.