Авбошӣ дар бозори “Корвон”

Душанбе, 08.07.2014. (АМИТ «Ховар», Муқаддас Темурзода). — Тавре ки ба Шӯъбаи ВКД дар ноҳияи Фирдавсӣ шаҳрванд Охиров Саидҷон Давлатшоевич соли таваллудаш 1992, сокини шаҳри Душанбе муроҷиат намуд, ки дирӯз дар ошёнаи 2-юми бозори “Корвон”-и пойтахт шаҳрвандон, Раҳматуллоев Меҳроҷ Муродалиевич соли таваллудаш 1993 ва Олиев Одил Маҳмадшарифович соли таваллудаш 1987, сокинони кӯчаи Бинокорони пойтахт, аз ҳиссиёти авбошӣ тартиботи ҷамъиятиро вайрон намуда, ӯро ва рафиқаш Қурбонов Далер Саидович соли таваллудаш 1994, сокини кӯчаи Фединаро лату кӯб намуда, бо корди дар дасташон буда ба қисмати рони пояшон зада ҷароҳати ҷисмонӣ расонидаанд. Аз рӯи ин ҳодиса парвандаи ҷиноӣ оғоз гардида, тафтиш идома дорад.