Ба ММТ 52 ҳазору 400 нафар ҳуҷҷат супоридаанд
Душанбе, 7.07.2014. (АМИТ «Ховар», Зарангези Латиф).- Имсол нақшаи қабули довталабон ба муассисаҳои олии мамлакат атрофи 41 ҳазор нафар аст. Аз ин шумора 37 ҳазору 621 нафарашро Маркази миллии тести назди Президенти Ҷумҳурӣ қабул мекунад, гуфт зимни нишасти хабарӣ дар ҳузури хабарнигорон Нуриддин Саид вазири маориф ва илми ҷумҳурӣ.Нуриддин Саид ҳамчунин қайд намуд, ки аз ин миқдор 37 ҳазору 480 нафарро Маркази миллии тестии назди Президенти ҷумҳурӣ қабул мекунад. То имрӯз 52 ҳазору 400 нафар ба Маркази миллии тестӣ ҳуҷҷат супоридаанд ва ин теъдод аз имтиҳони якум гузаронида шудааст, ки ҷобаҷогузории донишҷӯён нисбати холҳои гирифтаашон ба Донишгоҳу донишкадаҳо шурӯъ мешавад.Ҳамчунин қайд гардид, ки Донишгоҳи славянии Тоҷикистону Русия , филиали Донишгоҳи давлатии шаҳри Маскав, мактаби олии сарҳадбонон, мактаби олии Вазорати корҳои дохилӣ ба таври анъанавӣ имтиҳон месупоранд.