Ба таваҷҷӯҳи довталабони Донишкадаҳои ВКД ФР
Душанбе, 16.07.2014.(АМИТ «Ховар», Мавҷуда Анварӣ).- Вазорати корҳои дохилии ҶТ ба диққати довталабон мерасонад, ки мӯҳлати қабул ба Донишкадаҳои ҳуқуқӣ ва Академияи ВКД Федератсияи Русия то 20 июли соли 2014 тамдид карда шуд.Ба факултаҳои Донишкадаҳои ҳуқуқӣ ва Академияи ВКД Федератсияи Русия довталабони синни аз 17 то 30-сола, дорои маълумоти таҳсилоти миёна, ба талаботи мақомоти корҳои дохилӣ ҷавобгӯ, қаду қомати на пасттар аз 168 см (барои занон на пасттар аз 160 см), донандаи забони русӣ ва аз ҷиҳати саломатӣ ба хизмати ҳарбӣ ва таҳсил бенуқсон қабул карда мешаванд.Шаҳрвандоне, ки аз имтиёзҳои муқаррарнамудаи Ҳукумати ҶТ истифода мебаранд, дар вақти гузаштани комиссияи мандатӣ тибқи талаботҳои имтиёзӣ афзалият пайдо мекунанд.Донишкадаҳои ҳуқуқӣ ва Академияи ВКД Федератсияи Русия мутахассисони коршиноси судӣ, таъминоти ҳуқуқии амнияти миллӣ, психологияи фаъолияти хизматӣ, амнияти иқтисодӣ ва сардорони ҷузъу томҳои қӯшунҳои дохилиро тайёр менамояд. Тибқи барномаҳои Академия ва Донишкадаҳои ВКД ФР довталабонро дар Академияи Волгоград, Донишкадаи ҳуқуқи Орлов, Донишкадаи ҳуқуқи Урал, Донишкадаи Сибири Шарқӣ, Донишкадаи ҳуқуқи Белгород, Донишкадаи ҳуқуқи Барнаули Русия қабул менамоянд.Баъди 5 соли таҳсили бомуваффақият хатмкунандагон маълумоти касбӣ гирифта, ба онҳо рутбаи махсуси лейтенанти милитсия, лейтенанти хизмати дохилӣ, лейтенант ва дипломи таҳсилоти олӣ супорида мешавад.Барои гирифтани маълумоти зарурӣ хоҳишмандон метавонанд бо нишонии шаҳри Душанбе, кӯчаи Ҷ.Икромӣ-29, раёсати кадрҳо ва кор бо ҳайати шахсии ВКД ҶТ муроҷиат намоянд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






