Ба ярмарка шитобед! Нархҳо нисбатан дастрас

Душанбе,23.07.2014.(АМИТ «Ховар», Марзия Саидзода).-Шаҳрдории Душанбе бо мақсади ғанӣ гардонидани дастурхони идонаи шаҳрвандон дар ҳамкорӣ бо соҳибкорон рӯзҳои 25 ,26, ва 27 июл дар 24 маҳаллаи ноҳияи Фирдавсӣ, 20 маҳаллаи ноҳияи Сино, 17 маҳаллаи ноҳияи Шоҳмансур ва дар маҳаллаҳои ноҳияи Исмоили Сомонӣ ярмарка- фурӯши маҳсулоти хӯроквориро аз соати 5 то 8-и субҳ ташкил менамояд. Инчунин аз соати 18 то 21 1 литр шир 3 сомонӣ, шакар 4 сомонӣ, тухм барои 10 дона 6 сомонӣ, гӯшти гов 35 сомонӣ, биринҷи истеҳсоли ватанӣ то 8 сомонӣ, биринҷи истеҳсоли Покистон ва Таиланд 4-4,5 сомонӣ ба фурӯш гузошта мешаванд. Ҳамзамон дар ин рӯзҳо соати 8:00 то 17:30 аз ҷониби «Комбинати шири Душанбе» дар даромадгоҳи бозорҳои шаҳр шир бо нархи се сомонӣ, инчунин аз сӯи соҳибкорон 1 кг гӯшти гов 35 сомонӣ, гӯсфанд 36 сомонӣ, биринҷи истеҳсоли ватанӣ то 8 сомонӣ, биринҷи истеҳсоли Покистон ва Таиланд 4-4,5 сомонӣ ва шакар 4 сомонӣ пешкаши харидорон гардонида мешаванд. Тибқи дастури Раиси шаҳри Душанбе дар тамоми бозорҳои пойтахт нархи 1 кг орди навъи якум то 2,7 сомонӣ, як халта орди 50 кг то 135 сомонӣ, нон (200 г) 1 сомонӣ, хлеб (400 г) 2 сомонӣ, 1 литр шир 3 сомонӣ, 1кг макарон 4,5 сомонӣ, 1 кг биринҷи маҳаллӣ то 8 сомонӣ, биринҷи истеҳсоли Покистон ва Таиланд 4 — 4,5 сомонӣ, картошка то 1,7 сомонӣ, пиёз то 1,5 сомонӣ, сабзӣ то 2,5 сомонӣ, карам то 1,6 сомонӣ, гӯшти гов то 35 гӯшти гӯсфанд то 36 сомонӣ, помидор то 2 сомонӣ, бодиринг то 2,5 сомонӣ, 1 литр равғани пахта то 7 сомонӣ, 10 дона тухм то 6,5 сомонӣ, шакар 4 сомонӣ ба роҳ монда мешавад.