Баргузории ҷаласаи Шўрои миллии муқовимат бо коррупсия
Душанбе, 08.07.2014 (АМИТ «Ховар», Фарзонаи Давлат).-Имрўз таҳти раёсати Сарвазири мамлакат, раиси Шўрои миллии муқовимат бо коррупсияи Ҷумҳурии Тоҷикистон Қоҳир Расулзода ҷаласаи чоруми Шўрои миллии муқовимат бо коррупсия баргузор шуд.Дар ҷаласа масъалаҳои вобаста ба иҷрои амру супоришҳои Президенти Ҷумҳурии Тоҷикистон оид ба татбиқи тавсияҳои Созмони ҳамкории иқтисодӣ ва рушд барои Тоҷикистон дар самти мубориза бо коррупсия, нақшаи кории Шўрои миллии муқовимат ба корупсияи Ҷумҳурии Тоҷикистон барои солҳои 2014-2015 ва низомномаи намунавии Комиссияи ҷамъиятӣ оид ба пешгирии коррупсия дар назди мақомоти маҳаллии ҳокимияти давлатӣ баррасӣ гардид.Аз рўи масъалаҳои рўзномаи корӣ ҳисоботи роҳбарият ва аъзои Шўро ва гурўҳи кории байниидоравӣ оид ба мутобиқ гардонидани қонунгузории Ҷумҳурии Тоҷикистон ба талаботи уҳдадориҳои байналмилалии мамлакат шунида шуд.Тадбирҳои роҳбарияти давлату ҳукумати Ҷумҳурии Тоҷикистон дар самти муқовимат бо корупсия ва ҳимояи ҳисоботи миллии Ҷумҳурии Тоҷикистон дар вохўрии навбатии Шабакаи зиддикоррупсионии Аврупои Шарқӣ ва Осиёи Марказӣ, ки моҳи апрели соли равон дар шаҳри Париж доир шуд, мусбат арзёбӣ гардид.Бо дарназардошти таклифу пешниҳодоти аъзои Шўро қарор дода шуд, ки Нақшаи кории Шўрои миллии муқовимат бо корупсияи Ҷумҳурии Тоҷикистон барои солҳои 2014-2015 ва низомномаи намунавии Комиссияи ҷамъиятӣ оид ба пешгирии коррупсия дар назди мақомоти маҳалии ҳокимияти давлатӣ баъд аз такмил қабул карда шаванд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






