Баргузории семинари 3-юми Интерпол дар Душанбе
Душанбе, 25.07.2014. (АМИТ «Ховар», Мукаддас Темурзода).- Аз 21 то 23-юми июли соли 2014 дар меҳмонхонаи «Ҳаят Реҷенсӣ»-и шаҳри Душанбе бо ташаббуси намояндагони Котиботи Генералии Интерпол семинари 3-юми Интерпол дар мавзӯи «Қочоқи маводи ҳастаӣ» баргузор гардид, ки дар кори он намояндагони Вазоратҳои корҳои дохилии 10 кишвари ҷаҳон, Тоҷикистон, Ҳиндустон, Бангладеш, Ироқ, Қазоқистон, Ӯзбекистон, Туркманистон, Қирғизистон, Молдова ва Афғонистон иштирок доштанд. Тавре ки ВКД ҶТ хабар медиҳад, семинари мазкур бо сухани ифтитоҳии муовини Вазири корҳои дохилӣ генерал-майори милитсия Умарзода Икром Ислом ва ҷаноби Алан Кинг намояндаи Котиботи Генералии Интерпол кушода шуд. Дар ҷараёни семинар ба ғайр аз дарсҳои амалӣ, инчунин иштирокчиёни он дар мавзӯҳои гуногун вобаста ба масъалаи асосӣ баромад намуданд. Дар семинар паҳлӯҳои гуногуни мавзӯъ, дарёфт ва безараргардонии маводи радиоактивӣ, ошкорсозӣ ва муайян намудани дараҷаи бехатарӣ, ҳолати хариду фурӯши маводи ҳастаӣ ва ғайра мавриди баҳс қарор дода шуда, дар ин самт байни иштирокчиён мубодилаи афкор сурат гирифт.Дар чорабинии мазкур намояндаи Раёсати энергияи атомии Тоҷикистон Илҳом Мирсаидов дар мавзӯи «Тайёрӣ ба ҳолатҳои фавқуллода ва мониторинги радиатсионӣ ва назорати радиометрӣ дар сарҳади Тоҷикистон», корманди Кумитаи ҳолатҳои фавқуллода ва мудофиаи гражданӣ Лариса Филимонова дар мавзӯи «Бартарафкунии ҳолатҳои фавқуллода оид ба маводи радиоактивӣ», корманди Котиботи Генералии Интерпол Ровланд Марк дар мавзӯи «Базаи байналмилалии ҳуқуқӣ оид ба терроризми ҳастаӣ», намояндаи Ҷумҳурии Молдова дар мавзӯи «Инъикос ва ошкорсозии маводи радиоактивӣ» баромад намуданд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






