Баррасии 393 парванда аз ҷониби Суди олии иқтисодӣ
Душанбе,16.07.2014. (АМИТ «Ховар», Муқаддас Темурзода).-«Дар давраи ҳисоботӣ ба Суди олии иқтисодии ҶТ 393 адад парванда ва аризаву шикоятҳо ворид гардида, 193 парванда ва 84 арзу шикоятҳо баррасӣ шудааст, ки ҷамъи умумии он 277 ададро ташкил медиҳад», иброз дошт имрӯз зимни нишасти матбуотӣ раиси Суди олии иқтисодӣ ҶТ Н. Мансурзода.Аз рӯйи суханҳои Н. Мансурзода бармеояд, ки дар нимсолаи аввали соли ҷорӣ маблағи даъвоҳои қаноаткардашуда ҷамъ 7 млн. 171 ҳ. 847 сомониро ташкил медиҳад. Аз ҷумла ба манфиати мақомоти давлатӣ зиёда аз 5 млн. сомонӣ рӯёнида шуда, аз рӯйи аризаҳои даъвогӣ, шикоятҳои кассатсионию назоратӣ ва боҷи давлатӣ ба фойдаи буҷаи давлат зиёда аз 1 млн. сомонӣ пардохт шудааст.