Баста шудани «Одноклассники» ба чӣ рабт дорад?

Душанбе, 31.07.2014. (АМИТ «Ховар», Зарангези Латиф).-Татяна Холмуродова, муовини раиси Хадамоти алоқаи Тоҷикистон, имрӯз зимни нишасти хабарӣ гуфт, ки баста шудани шабакаи иҷтимоии Ютуб ва Одноклассники дастури онҳо нест. Холмуродова таъкид кард, ин шабакаҳо танҳо бо сабабҳои техникӣ ё фаннӣ дар Тоҷикистон дастнорас шудаанд.Дар мавриди иддаои ширкати интернетии “Mail.Ru group”, ки соҳиби “Одноклассники” мебошад, Холмуродова қайд намуд, ки Хадамоти алоқаи Тоҷикистон дархосташонро қабул карда, бо онҳо телефонӣ суҳбат низ кардаем.Зимни нишаст ҳамчунин зикр карда шуд, ки даромади умумии корхонаҳои Хадамоти алоқаи назди Ҳукумати Ҷумхурии Тоҷикистон дар якҷоягӣ бо операторон ва провайдерон мувофиқи ҳисоботҳои пешакӣ дар нимсолаи аввали соли ҷорӣ ба маблағи 1 миллиард 210 млн. сомонӣ расонида шудааст, ки ин нишондод нисбати ҳамин давраи соли 2013, 1,7% фоиз зиёд аст.Ҳаҷми хизматрасонии алоқа ба аҳолӣ 830,1 млн. сомониро дар бар мегирад. Хизматрасонии алоқа ба шахсони имтиёздор аз тарафи Опреатори Миллии алоқаи барқӣ ба маблағи 500 ҳазор сомонӣ расонида шудааст.Гуфта шуд, ки шумораи истифодабарандагони Интернет дар якҷоягӣ бо истифодабарандагони интернети мобилӣ 3,8 млн нафар муштариро дар бар гирифтааст.Ба ҳар 100 нафар шаҳрванди ҷумҳурӣ 4,9 адад дастгоҳи телефонии собит рост меояд.Ба ҳар 100 нафар шаҳрванди ҷумҳурӣ 78,0 адад дастгоҳи телефонии мобилии фаъол рост меояд.Аз ҳар 100 нафар шаҳрванди ҷумҳурӣ 48,1 нафараш истифодабарандаи Интернет мебошад.