Бинои нави суд ба судяҳои Роғун

Душанбе, 8.07.2014.(АМИТ «Ховар», Мавҷуда Анварӣ).-«Рӯзҳои наздик бинои суди шаҳри Роғун мавриди баҳрабардорӣ қарор хоҳад гирифт»- гуфт Зафар Азиззода раиси Шӯрои адлияи кишвар зимни нишасти матбуотӣ ба хабарнигорон.Мавсуф ҳамчунин иттилоъ дод, ки оғози сохтмони бинои суди ноҳияи Тавилдара дар нимсолаи дуюми ҳамин сол ба нақша гирифта, айни замон корҳои лоиҳакашӣ идома дорад.Бобати беҳгардонии шароити ташкилии фаъолияти судҳо, дар арафаи ҷашни Ваҳдати Миллӣ бинои суди ноҳияи Шуғнон бо таҷҳизоти замонавӣ ба истифода дода шуд.