Боздиди ҷавонони Хатлон аз мавзеъҳои таърихӣ

Душанбе, 18.07.2014 (АМИТ “Ховар”, Фарзонаи Давлат).-Бо ташаббуси Раёсати ҷавонон, варзиш ва сайёҳии вилояти Хатлон дар моҳи июли соли равон 17 саёҳати наврасону ҷавонон ба мавзеъҳои таърихии вилоят анҷом дода шудааст.Бино ба иттилои мудири бахши таҳлилу иттилоотии Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Ҷалолиддин Нуров, наврасону ҷавонони хатлонӣ ҳангоми боздид аз ҷойҳои таърихии Мирсаид Алии Ҳамадонӣ, Чилучор чашма, мавзеъи таърихии Ҳулбук ва ғайра баҳраи хуб бардошта, бори дигар аз маданияти қадимаи гузаштагони хеш ва аз бозёфтҳои таърихии миллати куҳанбунёди худ аз наздик ошно шуданд. Гуфта мешавад, иқдоми мазкур дар ниҳоди онҳо ҳисси ватандустӣ ва эҳтиром бо арзишҳои миллиро боло бардоштааст.