Боздошти ғоратгари мағоза дар Қӯрғонтеппа

Душанбе, 14.07.2014. (АМИТ «Ховар», Муқаддас Темурзода). — Ба Шӯъбаи ВКД дар шаҳри Қӯрғонтеппа сокини 49-солаи маҳаллӣ Ҳарамгул Одилова муроҷиат намудааст, ки рӯзи 5-уми июли соли ҷорӣ шахси номаълум бо тариқи пинҳонӣ вориди мағозаи тиҷоратиаш шуда, аз дохили он 3 ҳазору 220 доллари амрикоӣ, 4 ҳ.900 рубли русӣ ва 3 ҳ. 400 сомонӣ маблағи пулиро дуздида, аз ҷойи ҳодиса ғайб задааст. ВКД ҶТ хабар медиҳад, ки дар натиҷаи гузаронидани чорабиниҳои фаврӣ-ҷустуҷӯӣ сокини 28-солаи ноҳияи Қубодиён Зулхумор Тошматова, бо гумони даст доштан дар дуздии мазкур дастгир гардид. Аз рӯи ин ҳодиса парвандаи ҷиноӣ оғоз гардида, тафтиш идома дорад.