Дар байни ду автомашина мондани шаҳрванд

Душанбе, 17.07.2014. (АМИТ «Ховар», Муқаддас Темурзода).-Тавре ки ВКД ҶТ хабар медиҳад, ронандаи автомашинаи тамғаи “ Зил-133”, рақами давлатиаш АВ 0604 РТ 03, сокини 37-солаи ноҳияи Хуросон Бобоҷон Назаров, ҳангоми ҳаракат дар канори роҳи калони мошингарди ноҳияи Абдураҳмони Ҷомӣ автомашинаашро дар қафои автомашинаи тамғаи “Зил-130” рақами давлатиаш ВЕ 43-40 РТ 01, ки ба сокини 33-солаи ноҳияи мазкур Ҳакназар Ғиёсов тааллуқ дошт, бо мақсади тарбузҳои дохилашро ба автомашинаи тамғаи “Зил-130” холӣ намудан дар масофаи 60-см мемонад.Маҳмадюсуф Додалиев сокини 33-солаи маҳаллӣ, бо мақсади харидорӣ намудани тарбуз дар байни автомашинаҳои мазкур меистад. Дар ин вақт ронандаи автомашинаи тамғаи “Зил-133” Б. Назаров, аз беэҳтиётӣ автомашинаро ба қафо ронда, шаҳрванд Н. Додалиев -ро дар байни ду автомашина пахш намудааст. Дар натиҷа шаҳрванд М. Додалиев ҷароҳати вазнинин ҷисмонӣ бардошта, дар ҷойи ҳодиса ба ҳалокат расидааст.