Дарёфти ҷасадҳои ғарқшуда аз Сир ва «Сангтӯда-2»

01.07.2014. (АМИТ «Ховар», Лайло Тоирӣ).- 30 июни соли ҷорӣ шаҳрванд Пулодҷон Ахмедов, соли таваллудаш 1995, истиқоматкунандаи ҷамоати Дадобой Холматов, кўчаи Синои ноҳияи Бобоҷон Ғафуров ҳангоми оббозӣ дар мавзеи таги пули кўчаи Гагарини шаҳри Хуҷанд, дар дарёи Сир ғарқ шуд. Сардори маркази матбуоти Кумитаи ҳолатҳои фавкулодда ва мудофиаи гражданӣ Ориф Нозимов хабар дод, ки аз тарафи ғаввос А. Бочкарёв наҷотдиҳандаи Ситод оид ба ҳолатҳои фавкулодда ва мудофиаи граждании шаҳри Хуҷанд 30 июн ҷасади П. Ахмедов аз об бароварда шуда, ба сохторҳои дахдори шаҳри Хуҷанд супорида шуд. 28 июни соли равон бошад, истикоматкунандаи деҳаи Гулистон, ҷамоати деҳоти Сангтӯдаи ноҳияи Данғара Амиршо Қурбонов, соли таваллудаш 2004, ҳангоми моҳигирӣ дар обанбори «Сангтӯда-2» ғарк шуд. 30 июн аз тарафи наҷотдиҳандагони обамбори шаҳри Норак ҷасади 3 нафар дарёфт гардид. Ҷасади А. Қурбонов ба наздиконаш супорида шуд.