Дастаи «Эсхата” ба ҳаштякфинали Ҷоми Тоҷикистон-2014 роҳ ёфт.

Душанбе , 7.07.2014. (АМИТ «Ховар», Меҳрони Қурбон) -Дастаи футболи «Эсхата”-и Хуҷанд, пешсафи мусобиқаи лигаи аввал дар минтақаи Суғд, ба даври 1/8-ниҳоии Ҷоми Тоҷикистон-2014 роҳ ёфт.Бояд зикр кард, ки дастаи «Эсхата” дар бозии ҷавобии давраи пешакии Ҷоми Тоҷикистон дар минтақаи Суғд бар дастаи “Зарафшон”-и Панҷакент бо ҳисоби 2-1 пирӯз шуд. Ногуфта намонад, ки бозии аввал низ бо ғалабаи дастаи “Эсхата” бо ҳисоби 6-2 хотима ёфта буд. Ба ин тартиб, аз рӯи натоиҷи ду бозӣ “Зарафшон” ғолиб шуд ва ба ҳаштякфинал баромад. Ёдовар мешавем ,ки боз ду роҳхати дигар ба даври 1/8-ниҳоии Ҷоми Тоҷикистон дар даври дуввуми марҳалаи пешакӣ дар минтақаи Суғд дар бозӣ байни дастаҳои «Ваҳдат»-и Ашт — «Шаҳристон»-и Шаҳристон ва «Сайҳун»-и Бобоҷон Ғафуров — «Исфара»-и Исфара маълум хоҳад шуд. Бозиҳои даври дуввум аввалҳои моҳи август барпо мегарданд.