Дастгир гардидани ноболиғон бо иттиҳоми дуздӣ

Душанбе, 08.07.2014. (АМИТ «Ховар», Муқаддас Темурзода). — Дирӯз роҳбарияти ҶДММ “Авесто-2010”, воқеъ дар деҳаи Тосқалъаи ноҳияи Восеъ, ба ШВКД дар ноҳияи мазкур муроҷиат намудаанд, ки аз санаи 15.05.с.2014 то 20.05.с.2014 шахсони номаълум бо роҳи пинҳонӣ вориди фабрикаи ресандагӣ шуда, аз онҷо 1-адад яхдон, 1-адад чангкашак, 1-адад компютер бо принтер, 1-адад базаи телевизор, 1-адад мизони электронӣ, 250-кило нахи риштаи “НМ/1”, 400-кг нахи пахтаи сафед, 1-адад сумкаи чармин ва 689-дона линчаҳо барои бор кардани пахта, ки арзиши умумиашон 16 ҳазору 66-сомониро ташкил медод, дуздида аз ҷойи ҳодиса ғайб задаанд.Тавре ки ВКД ҶТ хабар медиҳад, ҳангоми гузаронидани чораҳои фаврӣ-ҷустуҷӯӣ маълум гардид, ки 2 нафар ноболиғ, сокинони деҳаи Заркамар ба дуздӣ даст зада, молу маҳсулоти фабрикаи ресандагиро аз они худ намудаанд. Далелҳои шайъӣ қисман гирифта шуд. Ин ҳодиса мавриди тафтиш қарор дорад.