Дастгир гардидани шаҳрванди хориҷӣ ҳангоми убури сарҳад
Душанбе, 14.07.2014. (АМИТ «Ховар», Муқаддас Темурзода). — Дирӯз зимни гузаронидани чораҳои фаврӣ-ҷустуҷӯӣ дар деҳаи Ғалабаи ноҳияи Фархор, байни минтақаҳои сарҳадии №2 ва №3-и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон, шаҳрванди Ҷумҳурии Ироқ Абдулло ибн Аҳмад ал Арабия соли таваллудаш 1967, ҳангоми убур намудани сарҳади давлатии Ҷумҳурии Тоҷикистон дастир гардид. Таҳқиқи ҳодисаи мазкур идома дорад. Дар ин бора ВКД ҶТ хабар медиҳад.