Дасти кӯмаки «Парастор» ба ниёзмандон

Июль 22, 2014 09:50

Душанбе, 22.07.2014. (АМИТ «Ховар», Марзия Саидзода).-Дар остонаи иди Рамазон созмони ҷамъиятии «Парастор» ба 200 нафар оилаҳои ниёзманд ва маъюбони ҷамоати «Сабо»-и ноҳияи Шаҳринав, «Деҳқонобод»-и ноҳияи Ҳисор ва ҷамоати ба номи Абдулвосиеви шаҳри Ваҳдат кӯмаки яквақтаинаи моддӣ расонд.  «Ин кӯмакҳо аз маводи ғизоӣ ва либос иборат буда, он дар ҳамкорӣ бо Сафорати Олмон дар Тоҷикистон ва бархе аз соҳибкорон ба оилаҳои камбизоат тақсим карда шуд», мегӯяд сарвари созмони «Парастор» Раъно Қосимова. Мавсуф афзуд, ки созмони «Парастор» ҳамзамон бо мақсади ҷалби духтарони маҳаллӣ ба омӯзиши ҳунарҳои миллӣ дар ҷамоати «Чорбоғ»-и ноҳияи Варзоб синфхонаеро аз таъмир бароварда, онро бо мошинаҳои дӯзандагӣ муҷаҳҳаз гардонид. Созмони ҷамъиятии «Парастор» соли 2007 бо мақсади дастгирии оилаҳои ниёзманд, маъюбон ва бепарасторон созмон дода шуда, бобати дастгирии қишри ниёзманди ҷомеа чандин лоиҳаҳои иҷтимоиро татбиқ намудааст. Ҳамзамон созмон ҷиҳати пешгирии хушунат дар хонаводаҳо, дастгирии занону духтарони минтақаҳои дурдасти кишвар, ҳунаромӯзӣ ва ҷалби онҳо ба корҳои ҷамъиятӣ ва коҳиш додани сатҳи камбизоатӣ дар доираи татбиқи лоиҳаҳои иҷтимоӣ кумакҳо расонидааст.

Июль 22, 2014 09:50

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд