Дуздии маблағи нақд аз дохили «Opel-Veсtra»
Душанбе, 3.07.2014. (АМИТ «Ховар», Муқаддас Темурзода).- Ба шуъбаи ВКД дар ноҳияи Исмоили Сомонӣ сокини 37 — солаи шаҳри Хуҷанд Ҷаъфар Ашрафов муроҷиат намудааст, ки санаи 27 июни соли ҷорӣ шахсони номаълум дар истгоҳи шоҳроҳи Душанбе-Хуҷанд бо роҳи пинҳонӣ аз дохили автомашинаи шахсиаш тамғаи «Opel-Veсtra» беш аз 350 ҳазор сомонӣ пули нақдашро дуздида, аз ҷойи ҳодиса ғайб задаанд. Зимни гузаронидани чораҳои фаврӣ-ҷустуҷӯӣ кормандони милитсия бо гумони дуздӣ сокини 37-солаи шаҳри Душанбе Умар Файзиевро, ки қаблан бо моддаҳои 200 қисми 3, 247 қисми 2-и Кодекси ҷиноятии Ҷумҳурии Тоҷикистон суд шудааст, дастгир намуданд.Аз рӯи ин ҳодиса парвандаи ҷиноӣ оғоз гардида, тафтиш идома дорад.