Эълони рӯзи Иди Фитр

Душанбе, 23.07.2014.(АМИТ «Ховар», Мавҷуда Анварӣ).- Имрӯз дар ҷаласаи Шӯрои уламои Маркази исломӣ санаи дақиқи Иди Фитр 28-уми июл эълон гардид. Намози ид дар тамоми масоҷиди ҷомеи Тоҷикистон соати 7:00-и субҳ оғоз меёбад. Дар ин бора котиби масъули Маркази исломии Тоҷикистон Ҳоҷӣ Неъматулло ба хабарнигори АМИТ «Ховар» хабар дод. «Дар ҷаласа ҳамчунин Шӯрои уламо имомхатибонро вазифадор кард, ки дар мавъизаҳои худ диққати сокинонро ба дастгирию кӯмаки ятимон дар рӯзҳои хурсандӣ ҷалб намуда, ба сарфакорӣ дар рӯзи ид даъват кунанд. Инчунин дар ин қарори Шӯрои уламо таъкид шудааст, ки масҷидҳои ҷомеъ аз ҳисоби маблағҳои ҷамъоваришуда дар намози ид 600 сомонӣ ҳаққи аъзогиро ба хазинаи Маркази исломӣ бисупоранд», — илова намуд Ҳ. Неъматулло.