Фароҳам овардани шароити мусоид ба маъюбон

Душанбе, 8.07.2014.(АМИТ «Ховар», Мавҷуда Анварӣ).- Имрӯз дар кӯдакистони хусусии “Меҳрона”-и шаҳри Чкалов бахшида ба Рӯзи маъюбон чорабинӣ доир гардид.Дар чорабинӣ намояндагони мақомоти иҷроияи ҳокимияти давлатии шаҳр иштирок намуда, изҳор доштанд, ки имрӯзҳо аз ҷониби Ҳукумати кишвар бо мақсади беҳтар намудани вазъи зисту зиндагонии шахсони дорои имконияташон маҳдуд, фароҳам овардани шароитҳои мусоиди солимгардонӣ, омодагии касбӣ, фароғативу истироҳатии маъюбон ва дастгирии моддиву маънавии онҳо пайваста тадбирҳои судманд роҳандозӣ гардида истодааст.Маврид ба зикр аст, ки дар кӯдакистони “Меҳрона” дар қатори дигар кӯдакон феълан 11 нафар кӯдакони имконияташон маҳдуд ба таълим фаро гирифта шудаанд. Дар ин бора сарвари кӯдакистони мазкур Машҳура Дадобоева хабар дода, илова намуд, ки ба кӯдакони дорои имконияташон маҳдуд аз ҷониби маъмурияти кӯдакистон тӯҳфаҳои хотиравӣ тақдим карда шуд.