Фавти 38-нафар дар Нигерия
Душанбе, 17.07.2014 (АМИТ «Ховар»).- Мувофиқи иттилои шабакаи интернетии оҷонсии «Франс Пресс» гурўҳи силоҳбадастони ифротии «Боко Ҳарам» ҳафтаи равон ба минтақаи Дил, воқеъ дар кисми шимолу-ғарбии Нигерия ҳамла карданд. Бар асари ин ҳодиса 38-нафар ба ҳалокат расида, чанд нафари дигар захмҳои гуногун бардоштанд. Силоҳбадастон бо автомобилу мототсиклҳо вориди маҳалли аҳолинишини Дил шуда, сокинони осоиштаро ҳадафи худ қарор доданд.
Таркиш дар Чин
Душанбе, 17.07.2014 (АМИТ «Ховар»).-Дирӯз дар наздикии фурудгоҳи шаҳри Синини вилояти Синхай воқеъ дар қисми шимолу ғарбии Ҷумҳурии Мардумии Чин таркиш ба амал омад. Дар бораи талафоти ҷонӣ ва хисороти молӣ то ҳол маълумот дастрас нагардидааст.Гуфта мешавад, ки таҷҳизоти тарканда дар дохили қуттии партов дар яке аз таваққуфгоҳҳо ба кор дароварда шудааст.
Таркиши бомба дар Афғонистон
Душанбе, 17.07.2014 (АМИТ «Ховар»).-Рӯзи 15 июл бар асари таркиши мошини бомбгузоришуда дар дохили бозор дар вилояти Пактико дар шарқи Афғонистон 89 нафар ба ҳалокат расида, 42 нафари дигар захмҳои гуногуни ҷисмонӣ бардошта бистари беморхонаи марказии Пактико гардидаанд. Бояд зикр кард, ки то ҳанӯз касе ва гурӯҳе масъулияти ҳамла дар Пактикоро бар ӯҳда нагирифтааст.
Музокироти ҳастаии Эрон
Душанбе, 17.07.2014 (АМИТ «Ховар»).-16 июли соли равон музокироти ҳастаии Эрон ва шаш қудрати ҷаҳонӣ дар Вена баргузор гардид. Ба гуфти Вазири корҳои хориҷии Эрон Муҳаммад Ҷавод Зариф баъд аз музокирот пешравӣ ба даст омадааст, вале он вақти бештареро дар бар мегирад. Ба гуфти вазири корҳои хориҷии Амрико Ҷон Керрӣ, комёбиҳои назаррас ба даст омадааст, вале ҳанӯз ихтилофи назарҳо боқӣ мондааст.Бояд мутазаккир шуд, ки кишварҳои ғарбӣ мехоҳанд муҳлати расидагӣ ба барномаҳои ҳастаии Эрон то 20 соли дигар давом ёбад. Вале Эрон мегӯяд, ки ин мӯҳлат поин оварда шавад ва ҳар чӣ зудтар аз миён бардошта шавад. Тарҷумаи Иброҳими Ҳабибуллоҳ








Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






