Гар дасти фитодае бигири, мардӣ…
Шаҳраки Сомониён, 07.07.2014. (АМИТ «Ховар», Ҳотами Шариф).-Бахшида ба 10 — солагии рӯзи маъюбони Тоҷикистон, ки ҳамасола 8 июл қайд карда мешавад, дар Қасри фарҳанги ноҳияи Рӯдакӣ чорабинии хотирмон баргузор гардид. Ҷамъомад бо ташаббуси Маркази эҷодиёти кӯдакон ва наврасон, Ташкилоти ҷамъиятии «Олами кӯдакон», «Ассотсиатсияи волидайни кӯдакони имконияташон маҳдуд» созмон ёфт. Алҳол дар ноҳияи Рӯдакӣ 364 нафар кӯдакони имконияташон маҳдуд дар муассисаҳои таҳсилоти миёнаи умумӣ таҳсили илм доранд. 26 нафари дигар дар хонаҳояшон бо таҳсил фаро гирифта шудаанд. Дар чорабинӣ директори Маркази эҷодиёти кӯдакон ва наврасони ноҳияи Рӯдакӣ Рухшона Шобудинова, ки ташаббускори асосии ин чорабинӣ буд, зикр кард, ки «Шумо маъюб нестед, шумо тавонмандед, шумо андешаи солим, дили соф, неруи хастанопазир, баҳри рафъи мушкилоти худ ва ҷомеаро доред. Шумо аз тамоми ҳуқуқҳое, ки аҳли ҷомеаи Тоҷикистон доранд, бархурдоред» Теъдоде аз кӯдакон, наврасон ва ҷавонони имконияташон маҳдуд, ки дар толор ҳузур доштанд, бо нишон додани ҳунари хеш ба ҳозирин муаррифӣ карда тавонистанд, ки онҳо барои ободӣ ва шукуфоии Тоҷикистон чи қадар азму субот, кӯшишу ғайрат ва дили софу андешаи ҷолиб доранд. Суруд ва шеърхонии Заррина Давлатова, Моҳлиё Қурбонова, Шаҳноза Усмонова, Мафтуна Сайфуллоева ва дигарон аҳли толорро мафтун кард. Дар рафти чорабинӣ туҳфаҳои таъсисдодаи Кумитаи имдоди Имом Ҳумайнӣ, Ройзании фарҳангии Ҷумҳурии исломии Эрон дар Тоҷикистон ба кӯдакону наврасон супорида шуд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






