Х.Ибодзода: «Маркази яхшиносӣ» таъсис дода шуд»

Июль 16, 2014 10:17

Душанбе, 16.07.2014 (АМИТ «Ховар», Назир Назиров). Дирӯз, раиси Кумитаи ҳифзи муҳити зисти назди ҳукумати Ҷумҳурии Тоҷикистон Хайрулло Ибодзода фаъолияти шашмоҳаи Кумитаро ба хабарнигорон ҳисобот дод. Дар давраи ҳисоботӣ Кумита фаъолияти худро асосан барои иҷрои Стратегия ва Барномаҳои давлатию соҳавӣ, таъмини амнияти экологии аҳолӣ, ҳифзу беҳдошт ва истифодаи оқилонаи табиат равона намуд. Яке аз самтҳои асосии татбиқи чорабиниҳо дар бахши ҳифзи муҳити зист татбиқи самараноки барномаҳои давлатию соҳавӣ ва Конвенсияҳо дар бахши муҳити зист мебошад. Барои иҷрои қарори Ҳукумати Ҷумҳурии Тоҷикистон аз октябри соли 2009 «Дар бораи татбиқи Барномаи давлатии экологии Тоҷикистон барои солҳои 2009 — 2019» 119 чорабинӣ пешбинӣ гардида, иҷроиши онҳо марҳила ба марҳила идома дорад. Дар доираи таъмини иҷрои «Барномаи давлатӣ оид ба омўзиш ва нигаҳдории пиряхҳои Тоҷикистон барои солҳои 2010-2030» дар асоси Қарори Ҳукумати Ҷумҳурии Тоҷикистон аз январи соли аввали 2014 «Маркази яхшиносӣ» таъсис дода шуд. Ҳамзамон дар назди Донишгҳои миллии Тоҷикистон кафедраи обу ҳавошиносӣ таъсис дода шудааст. Нақшаи чорабиниҳои «Барномаи барқарорсозии шабакаҳои обуҳавосанҷӣ ва дидбонгоҳҳои обченкунӣ барои солҳои 2007-2016», то ин давра аз 34 банди Нақшаи чорабиниҳои Барнома 8 бандаш иҷро гардида, 17 банд дар ҳолати корӣ қарор доранд. Фаъолияти асосии Кумитаро пешбурди назорати давлатӣ дар самти ҳифзи муҳити зист ташкил мекунад. Дар шаш моҳи аввали соли 2014 — 11725 санҷишҳои комплексӣ, соҳавӣ ва фаврӣ гузаронда шуд. Дар натиҷаи санҷишҳо ба субъектҳои фаъолияти хоҷагидорӣ барои риоя накардани талаботи қонунгузорӣ дар ҳифзи муҳити зист — 20367 адад пешниҳодҳои иҷрояшон ҳатмӣ дода шуданд, иброз дошт Х. Ибодзода.

Июль 16, 2014 10:17

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд