Имзои Созишнома миёни Тоҷикистону Британияи Кабир

Душанбе, 2 июля (НИАТ «Ховар», Пайрави Қосим).- 1 июли соли равон дар Вазорати корҳои хориҷии Шоҳигарии Британияи Кабир ва Ирландияи Шимолӣ маросими баимзорасонии Созишнома байни Ҷумҳурии Тоҷикистон ва Шоҳигарии Британияи Кабир ва Ирландияи Шимолӣ оид ба канорагирӣ аз андозбандии дукарата ва пешгирӣ намудани саркашӣ аз супоридани андозҳо аз даромад ва сармоя баргузор гардид.Аз ҷониби Ҷумҳурии Тоҷикистон Созишномаи мазкурро вазири корҳои хориҷӣ Сироҷидин Аслов ва аз ҷониби Шоҳигарии Британияи Кабир ва Ирландияи Шимолӣ вазири аршади давлатӣ оид ба корҳои хориҷӣ баронесса Саида Варсӣ ба имзо расониданд.