Иштироки ҳайати Тоҷикистон дар паради ҳарбӣ дар Фаронса
Душанбе, 19.07.2014 (НИАТ «Ховар»).- Дар хиёбони марказии шаҳри Париж Champs-Elysees 14 июл паради ҳарбӣ бахшида ба иди миллии Ҷумҳурии Фаронса — солгарди ба даст овардани Бастилия ва 100-солагии Ҷанги якуми ҷаҳон баргузор гардид.Ҳайати Тоҷикистон бо роҳбарии Сафири Тоҷикистон дар Фаронса дар чорабинии мазкур ширкат варзид.Низомиёни тоҷик бо парчами миллии Тоҷикистон аз паради ҳарбӣ дар қатори дигар кишварҳо бо тантана гузаштанд. Ҳамзамон донишҷӯёни муассисаҳои таҳсилоти олии Тоҷикистон дар намоиши фарҳангӣ баромад карда, Тоҷикистонро муаррифӣ карданд. Яке аз донишҷӯёни тоҷик дар қатори дигар ҳамтоҳои хориҷии худ ба Президенти Фаронса муаррифӣ шуд.