Иштироки Г. Ҳасанова дар ҷаласаи СПЕКА

Душанбе, 2.07.2014 (АМИТ «Ховар», Кристина Эрлих).- Гурӯҳи кормандони Агентии омори назди Президенти Тоҷикистон бо роҳбарии директори агентӣ Гулнора Ҳасанова дар ҷаласаи 9 -уми гурӯҳҳои кори лоиҳавии СПЕКА оид ба омор дар шаҳри Бокуи Озарбойҷон иштирок намуданд. Тибқи иттилои агентии мазкур, дар ҷаласа уҳдадориҳои саммити Рио+20, рӯзнома барои солҳои 2015 ва мусоидати ҳукумат дар ҳамгироии маълумоти муносиб дар омори миллӣ барои таҳлилу таҳкими рушди ҳама ҷанбаҳои он , махсусан барои афзоиши иқтисоди сабз ва нигаҳдошти низоми иқтисодӣ мавриди баррасӣ қарор гирифтанд. Гулнора Ҳасанова бо муаррифии «Омори захираҳои обии Тоҷикистон» , ки таваҷҷуҳи зиёди иштирокчиёнро ҷалб намуд, баромад кард.